“Sardinia Green Roads”: in Casteddu un'atopu po sa progetatzioni sostenìbili de is infrastruturas sardas

Terra -  S'at a isboddiai oi cumentzendi de is 9.00 s'atopu innoia s'at a fuenddai de sa progetatzioni sostenìbili de is infrastruturas in Sardigna. Su cunvegnu, chi tenit comenti tìtulu  “Sardinia Green Roads. Un futuro green per le strade dell’Isola” est aprontau de sa Facultadi de Ingegneria e Architetura de Casteddu e s'at a tenni in s'àula magna casteddaia de arruga Marengo.

Promòviu de unu “team” de professoris de s’Universidadi de is Istùdius de Casteddu, de s'Òrdini de is Ingegneris de sa Provìtzia de Casteddu e de s'Òrdini de is Geòlogus de Sardigna, custa diri de istùdiu tenit puru su patrotzìniu de s'ASIT (est a nai de s'“Associazione Scientifica Infrastrutture Trasporto”).

Is traballus ant èssiri obertus cun is saludus istitutzionalis e cun is arrexonadas de Edo Ronchi, presidenti de sa “Fondazione per lo Sviluppo Sostenibile”; Ronchi at a fueddai atressu de  videomessàgiu. A sighiri ant a chistionai: Giorgio Massacci, diretori de su DICAAR de s'Universidadi de Casteddu, Aldo Salaris, Assessori de is Traballus Pùblicus de sa Regioni Àutonoma de Sardigna, Francesco Ruocco, responsàbili de s'istrutura territòriali ANAS Sardigna, Sandro Catta, Presidenti de s'Òrdini de is Ingegneris de sa Provìntzia de Casteddu, e Davide Boneddu, Presidenti  de s'Òrdini de is Geòlogus de Sardigna.

A pustis ddoi ant èssiri: sa relata “Il ruolo dell’innovazione e della ricerca scientifica” - a dda fai at èssiri su presidenti ASIT, professori de “Strade, Ferrovie ed Aeroporti” de s'Universidadi de Pisa Massimo Losa -; sa relata de Mauro Coni. chi est de s'ASIT etotu ma est po finas professori de “Strade, Ferrovie ed Aeroporti” de s'Universidadi de Casteddu e at a presentai “Il caso Sardegna. Laboratorio italiano per le pavimentazioni green”. Sighendi ant a fueddai Giovanni De Giudici, professori de “ Mineralogia” de s'Universidadi de Casteddu, chi at a ammostai “Il progetto di ricerca «Testare»”, e Paolo Mereu, dirigenti “Settore viabilità” de sa Tzitadi Metropolitana de Casteddu, cun “La gestione green delle strade della Città metropolitana di Cagliari”.

A pustis de un'impasada ant a chistionai Piero Dau, Diretori generali de s'Assessorau LLPP de sa Regioni Àutonoma de Sardigna, cun sa relata chi tenit comenti tìtulu “Il ruolo della Regione Sardegna e del nuovo prezziario”; Achille Rilievi, Responsàbili “Controllo Qualità Lavori e Materiali - Diretzioni Generali ANAS”, chi at a fueddai de “Il ruolo dell’ANAS e le innovazioni nel settore delle green pavement”; Massimiliano Bienati, de sa “Fondazione per lo Sviluppo Sostenibile”, chi at a presentai sa relata “La sostenibilità delle pavimentazioni stradali”; e Marta Battaglia, Diretora “Legambiente Sardegna”, chi at a chistionai de “L'economia circolare per il clima e per l'ambiente: prospettive e potenzialità delle filiere sostenibili”. Lorenzo Paolini, diretiori editoriali de “L’Unione Sarda”, at a serrai is traballus.

S'atopu fait parti de su calendàriu de sa “Terza Conferenza della Ricerca” de su DICAAR – “Dipartimento di Ingegneria Civile, Ambientale e Architettura” chi tenit comenti tìtulu “Verso i territori del Green Deal. Transizione ecologica, progetto e governo del territorio".

Attività realizzata col contributo della Regione Sardegna - IMPRENTAS 2020-2021. LR 22/2018, art. 22