Po Paschixedda su progetu de messarìtzia sotziali "Gicoias"

Disabilidadi e produtus sardus biològicus
19 Dicembre 2021
terra

TerraAtressu de su progetu de messarìtzia sotziali “Gicoias”, sa disabilidadi e is produtus biològicus funt is protagonistas de una Paschixedda lichitosa.

A intrai in coxina est unu pachiteddu de cosa de papai biològica. Unu pachiteddu, custu, chi est fatu de produtus nàscius de su traballu de piciocus e piciocas cun problemas a conca. A ddis imparai su mestieri funt istètias cuàturu aziendas agrìculas, est a nai: “Mieli Manias”, “Su Massaiu”, “Fattorie Cuscusa” e “Sa Scrussura”. Fueddaus de realidadis produtivas chi s'agatant in Abas, Gonnotramatza, Sini e Turri.

Is chi ant a comporai is pachitus “Gicoias” ddoi ant agatai: marmellada de figutzìndia cun mebi, mebi de gureu, mebi de ocalitu, cixiri e casu brebeghinu friscu.

terraNon est acabbada innoi. Su progetu de messarìtzia sotziali “Gicoias”, difatis, at a torrai a incumentzai in su mesi de gennàrgiu chi enit e at èssiri incarrerau cun sa punna de fai traballai 10 giovuneddus cun disabilidadi. Sa caminera de imparu at èssiri ghiada de cuàturu professioneris espertus de fatoria sotziali po genti chi tenit problemas a conca. Is aziendas innoia ant a traballai is piciocus tenint totus sa tzertificatzioni biològica.

Impari a partner pùblicus (su comunu de Bobadri, su de Pau, su de Sini e su de Turri) e Onlus comenti sa “Biblioteca Gramsciana” e “Terra Noba”, is aziendas olint pònniri in òpera unu progetu innovativu pentzau feti po genti chi tenit problemas a conca. S'obietivu est su de ddis fai fai unu caminu chi ddis imparit sa professioni de su massaju. Dògnia caminu depit sighiri s'orientamentu produtivu de s'azienda chi at a aghilliri is piciocus.

Su progetu de messarìtzia sotziali “Gicoias” at èssiri finatziau de su “Gal Marmilla”.

Cun su macru “Gicoias” is aziendas chi ghiant su progetu olint donai unu messàgiu de importu mannu, est a nai ca s'azienda agrìcula tenit unu ruolu de fundamentu in is isceberus chi pertocant is polìticas po su traballu de is categorias discumbeniosas.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags