“Premio Luigi Crespellani 2021”: pòdiu po sa Tzitadi Metropolitana de Casteddu

Su prèmiu est donau de Sa Regioni Autònoma de Sardigna a is entis localis chi si funt fatus connòsciri po sa capatzidadi de innovatzioni organizativa in sa gestioni de is serbìtzius dedicaus a is tzitadinus
26 Dicembre 2021
terra

Terra Sa tzitadi Metropolitana de Casteddu at bintu su “Premio Luigi Crespellani 2021”, un'arreconnoscimentu importanti meda, chi est nàsciu de sa conca de s'Assessori a is Entis Localis Quirico Sanna e chi est dedicau pròpiu a is Comunus.

Est sa Regioni Autònoma de Sardigna etotu a ai donau Su “Premio Luigi Crespellani” a is entis localis chi si funt isceraus po sa capatzidadi de innovatzioni organizativa in sa gestioni de is serbìtzius dedicaus a is tzitadinus.

Sa Tzitadi Metropolitana de Casteddu s'est agiudicada su primu prèmiu cun su progetu “Contratto di Laguna”; gratzias a cust'arreconnoscimentu de importu mannu ndi betit a domu sa bellesa de 35 mila eurus.

terraMa ita est su progetu “Contratto di Laguna” e cali est sa punna cosa sua?” Contratto di Laguna” est un'istrumentu operativu e tenit s'obietivu de rivalorizai sa Laguna de “Santa Gilla” siat po dd'amparai siat po dda fai gosai a is tzitadinus e a is chi tenint interessu po su territòriu. Su pensu chi fundat custu progetu, duncas, est sa prospetiva de un'avaloramentu de s'area, unu logu de interessu po s'ambienti e su paesàgiu.

Si si dimandat comenti ant èssiri impreaus is 35 milla eurus bintus de sa tzitadi Metropolitana de Casteddu, sa respusta est simpli. Difatis, su dinai otentu pighendi parti a su “Premio Luigi Crespellani 2021” at èssiri impreau po afortiai is atzionis de sistema e po finas po afortiai sa presèntzia de is comunidadis interessadas a su progetu. S'obietivu prus importanti, comenti si cumprendit de is fueddus de su delegau de s'Ambienti Roberto Mura, est su de interessai e trisinai is tzitadinus in sa rivalorizatzioni de sa laguna. “Su territòriu - pretzisat Mura – si depit intendi protagonista e responsàbbili de s'amparu e de s'isvilupu de sa Laguna”. Po Mura, difatis, is tzitadinus funt un'elementu de fundamentu po s'acrescimentu ambientali, econòmicu, turìsticu e istòricu de su logu.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

© RIPRODUZIONE RISERVATA
Tags