Sa Pompìa lompet a "AgruMi"

In sa Mesa - Sa Pompìa tzucat dae Thiniscole finas a lòmpere a "Villa Necchi Campiglio" comente frùtora tìpica sarda de sa manifestatzione de sos agrumes. Unu biàgiu, duncas, dae Thiniscole a Milanu pro fàghere connòschere una frùtora tìpica de sa Baronia.

Pro duas dies sa Pompìa at agatadu domo in Milanu comente protagonista de sa manifestatzione lombarda "AgruMi", chi lompet ocannu a sa de deghe editziones. S'adòbiu, organizadu dae su FAI ("Fondo per l'Ambiente Italiano"), s'est isboligadu su 12 e su 13 de su mese de freàrgiu.

Paris cun sa Pompìa de Sardigna, in s'espositzione de "Villa Necchi Campiglio" ant agatadu domo peri produtos comente su limone de Sorrento, su chinoto de Savona, su lime de sos Caraibi e su tacle, una frùtora sitziliana licantza chi est nàschida dae su "Tarocco", e sa "Clementina". In s'espositzione bi fiant finas sos durches de "Foglia Allegra", sa pompia intrea, est a nàrrere sa frutora candida, e sas marmelladas de aràngiu de su "Giardino della Kolymbethra" produidas in sa "Valle dei Templi" de Sitzìlia.

Tra sos Sardos chi ant leadu parte a s'espositzione "AgruMI" s'agatànt sa dita Phareco, una "spinoff" de s'Universidade tataresa chi at introduidu sa Pompia in su mundu de sa cosmesi e faghet produtos pro sa carena, e su "Presidio Slow Food", cun sos produtos de Francesca Pau.

Tra sos presentes a sa manifestatzione milanesa "AgruMi" bi fiat finas s'imprendidore Claudio Secchi, unu giòvanu thiniscolesu chi est tra sas boghes chi faghent connòschere sa Pompìa in su mundu de s'agroalimentare. Sa tesi de laurea de Secchi est famada meda, pro ite est unu traballu chi pertocat a sa Pompia. Una traballu importante chi est lòmpidu finas a sos istùdios televisivos. Semus faeddende de in trasmissiones famadas comente sa de Amadeus e sa de su chef Canavacciuolo.
Tocat a pretzisare ca custu agrume ispetziale est peri unu produtu PAT, est a nàrrere unu "Prodotto Agroalimentare Tradizionale".

Attività realizzata col contributo della Regione Sardegna - IMPRENTAS 2021-2022. LR 22/2018, art. 22