"Olio Capitale": torrant a abèrrere sas iscritziones

Su "XIV salone degli oli extravergini tipici e di qualità - Olio Capitale" s'at a isboligare in Trieste dae su 13 a su 15 de su mese de maju 2022
22 Marzo 2022
in sa mesa

In sa MesaS'"Agenzia Laore Sardegna" torrat a àberrere sas iscritziones pro leare parte a su "XIV salone degli oli extravergini tipici e di qualità - Olio Capitale". Sa manifestatzione s'at a isboligare in Trieste dae su 13 a su 14 de su mese de maju 2022.

"Olio Capitale" est sa fiera prus importante dedicada a s'ògiu ermanu de calidade, duncas  rapresentat una mustra rilevante pro su mercadu natzionale e internatzionale.  

S'initziativa at a èssere indiritzada a ses impresas de Sardigna chi cherent leare parte a sa manifestatzione pro rapresentare sos ògios de calidade fatos in s'ìsula. L'ant a dèpere fàghere ponende mente a su binomio calidade e territorialidade.  S'"Agenzia Laore Sardegna" at a atribuire a sas aziendas isseberadas unu logu pro parare sos produtos issoro in intro dae s'àrea "Collettiva Sardegna".

in sa mesaSunt prevìdidos finas addòbios ligados a s'addòbiu printzipale. Ant a èssere addòbios chi ant a valorizare sas produtziones agrualimentares chi ant su marcu de tutela.  

Sos chi funt interessados - pretzisat s'"Agenzia Laore Sardegna" - depent imbiare sa dimanda issoro intro sas 13.00 de su mese de martzu 2022. Sas dimandas depent sighire sas indicatziones e sas modalidades marcadas in sa documentatzione chi s'agatat in sa pàgina de "Sardegna Agricoltura".

In Trieste, lu ammentamus, sos produtores de s'ògiu ermanu ant a fàghere connòschere a sa gente sa produtzione issoro. Sos bisitadores ant a pòdere finas comporare s'ògiu chi preferint.

Peri in su 2022 "Olio Capitale" cunfirmat su "format" chi lu caraterizat dae semper, ma, comente amus atzinnadu, proponet finas novidades interessantes.  

Chie at a bisitare su "XIV salone degli oli extravergini tipici e di qualità - Olio Capitale"  podet finas imparare dae sos espertos comente assaborare e isseberare un'ògiu bonu. Pro leare parte a sos cursigheddos de tastu a indonu tocat a s'iscrìere a sa "reception" de sa fiera.

Pro àere àteras informatziones tocat leare cuntatu cun "Laore Sardegna - Servizio Sviluppo e sostenibilità delle attività agricole - Unità organizzativa Sviluppo delle filiere delle colture".

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags