JazzAlguer: primu atòbiu su 30 de arbili

Su JazzAlguer est prontu a oberri is ennas cosa sua. Sa rassigna algheresa de mùsica jazz, difatis, at a cumentzai su 30 de su mesi de arbili chi at a benni e at a acabai su 25 de onniasantu.

Su festival, aprontau de s'assòtziu Bayou Club Events, ocannu lompit a sa de cincu editzionis. Su programa previdit 13 cuncertus e unu cuncursu po band giovuneddas. Su cuncursu at a èssiri ghiau de Massimo Russino, nòmini famau de su jazz sardu.

Ant a èssiri unus cantus is artistas chi ant a pigai parti a su JazzAlguer. Intre custus agataus nòminis nodidus: Paolo Fresu, Anais Drago, su Woodstore Quintet e po finas Luca Aquino e s'amerigana Denia Ridley.

Sa rassigna at a èssiri un'ocasioni po promòviri su territòriu de s'Alighera e is prendas suas.