Ogiastra finatziamentos pro innovare sas impresas agrualimentares e su territòriu

Unu millione e dughentomilla euros pro s'isvilupu de sas impresas agrualimentaris locales
17 Maggio 2022
in sa mesa

In sa MesaIn Ogiastra arribant sos finatziamentos pro unu millione e dughentomilla euros chi ant a èssere impitados pro innovare sas impresas agrualimentares de su territòriu, duncas pro agiudare s'isvilupu de sas impresas agrualimentaris locales. Su “GAL Ogliastra” at publicadu su banduSotto intervento del Piano di azione 2014-2020” pro sas aziendas extra agrìculas chi cherent innovare sa filiera e ismanniare su mercadu issoro.

Su bandu, chi si podet agatare online in su situ istitutzionale de su “GAL Ogliastra”, at sa finalidade de agiudare sas impresas de su territòriu ogiastrinu chi sunt istadas fertas dae sa crisi economica fìgia de sa pandemia. Su finatziamentu est istadu pensadu pro sas impresas minores chi traballant in su cumpartu agrualimentare iscritas in su registru de sas impresas de sa “Camera di Commercio”. Dae su bandu sunt esclùdidas sas impresas agrìculas.

Duncas, ant a èssere finantziadas sas aziendas chi faghent produtos extra agriculos, comente su pane, su pistocu, sos durches traditzionales, sos macarrones, sos licores e sa birra. Sas impresas devent traballare in sas comunas de s'àrea de su “GAL Ogliastra”, est a nàrrere: Àrthana, Baunei, Cardedu, Elini, Gàiru, Irbono, Jersu, Lanusè, Loceri, Osini, Foghesu, Talàna, Tertenia, Triei, Ulassa, Orthullè, Ussassa e Biddamànna Strisàili.

Sa dotatzione finantziària cuntzedida est de unu millione e dughentomilla euros" – pretzisat su Presidente de su 'Gal Ogliastra' Vitale Pili. Una tzifra importante meda, chi at a èssere ùtile pro torrare a incarrerare su traballu a pustis de duos annos de pandemia. Una tzifra chi permitit a sas aziendas ogiastrinas de si innovare e de castiare cun aficcu a sos mercados noos.

“A sos impredidores nostros lis tocat a sighire a traballare afortiende sas potentzialidades de sas filieras issoro”, sutalineat Pili.

Sas dimandas ant a iscadire su 12 de su mese de làmpadas imbeniente.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags