Su "Pecorino Romano" in su "Cibus" de Parma

"Stand" cun tastos e pratos aprontados dae su "Chef" Barbarossa
3 Maggio 2022
in sa mesa

In sa Mesa - Dae oe, 3 de su mese de maju, a chenàbura 6 de su mese de maju, su "Consorzio di Tutela del Pecorino romano DOP" at a èssere presente in su "Cibus" de Parma, sa fiera internatzionale de s'agrualimentare "Made in Italy".

"Cibus 2022" at a bìere sa torrada de sos "buyer" èsteros, chi ant a lòmpere dae sos Istados Unidos de Amèrica, dae s'Amèrica Latina, dae s'Europa, dae su MENA (est a nàrrere chi ant a lòmpere dae su “Middle East and North Africa”) e dae carchi Paisu asiàticu.

In sa fiera ant a èssere abertas s'"Area Horeca the Hub", su "Cibus Innovation Corner", cun 100 produtos noos isseberados dae una giuria de espertos, e s' "Innovation Hub", cun "Start Up" innovativas.

in sa mesaStand, cunvegnos, initziativas pro faeddare de màndigos e cosa de bufare. In custu cuadru su "Consorzio di Tutela del Pecorino romano DOP" at ordingiadu unu stand nou, bellu, lugorosu e modernu. Unu "stand" in ue s'at a pòdere tastare su "Pecorino Romano". Ma no est totu, pro ite in su "stand" de su Cunsòtziu s'ant a podere mandigare finas sas licanzias de su "Chef" Matteo Barbarossa.

Cun sos pratos suos su "chef" at a satisfàghere sos palados de sos bisitadores. Pro sos de su "Consorzio di tutela del Pecorino romano DOP" sa torrada de "Cibus" - comente pretzisat su Presidente Gianni Maoddi - "est finas s'ocasione pro presentare su "stand" nou a manera ufitziale" e, sutalìneat - "pro fàghere connòschere s'unitzidade de produtu nostru".

Pro Maoddi sa fiera internatzionale de s'agrualimentare "Cibus" at a èssere peri s'ocasione pro fàghere connòschere su "Pecorino Romano" in àteros mercados e pro afortigare sa presèntzia in ue s'agatat giai. Feti gosi, pro Maoddi, s'at a pòdere megiorare su recaimentu econòmicu pro sa filiera e pro su territòriu de produtzione.

Dae sa "pasta alla carbonara" a sa "cacio e pepe", dae sa "pasta alla gricia" a s'"amatriciana" finas a lòmpere a sas retzetas fatas cun s'arrosu sos bisitadores ant a tastare mandigos bonos meda.


Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags