Unu PAT de Sardigna: sa "Simbua Frita cun Satitzu"

In sa Mesa - Sos PAT, est a nàrrere sos “Prodotti Agroalimentari Tradizionali” sunt produtziones otentas sighende metidos de trallaballadura, de cunservatzione e istajonadura omogèneos in totu su territòriu interessadu. Semus faeddende de produtziones chi sighint regulas traditzionales consolidadas in sos annos pro unu perìodu de 25 annos.

In Sardigna a s'interessare de sos PAT est s'Assessoradu de s'Agricultura e Reforma Agropastorale (“Servizio Sviluppo delle Filiere Agro Alimentari e dei Mercati”) de sa RAS, lu faghet paris cun s'“Agenzia Laore”, s'Agentiza regionale pro s'isvilupu in agricultura.

Tra sos PAT de Sardigna b'est sa "Simbua Frita cun Satitzu", unu produtu tìpicu de sa gastronomia sarda. Unu màdigu fatu cun pulenta de trigu frissa cun sartitza de porcu sicada. Su territòriu interessadu dae sa produtzione de custu màdigu est su de Biddanoa 'e Forru.

Ma ite devimus ischire supra sa "Simbua Frita cun Satitzu"? Pro primu cosa si devet pretzisare ca sa "Simbua Frita cun Satitzu" est una retzeta rùstica, duncas est una retzeta chi previdit s'impreu de ingredientes sèmplitzes. Sempermai semus faeddende de ingredientes tìpicos de sa traditzione de Biddanoa 'e Forru.

Chircare de printzipiare a sas orìgines de custa licanza traditzionale est una faina impossìbile, pro ite s'ausèntzia de datos pretzisos firmat su traballu. Sos biddanoesos contant de àere connòschidu dae semper sa retzeta de sa "Simbua Frita cun Satitzu". Si faeddat, duncas, de una retzeta antiga meda. Una retzeta pòbera, ma unu màndigu ricu e nutriente. Sos biddanoesos prus antzianos, memòria e istòria de unu màndigu sena edade chi si perdet in intro de su tempus coladu, ant tramandadu sa retzeta de sa "Simbua Frita cun Satitzu".

No est totu. Sos biddanoesos dèdicant finas una sagra a sa "Simbua Frita cun Satitzu". Sa primu festa in onore de custu màndigu est istada organizada dae s'“Associazione Turistica Pro Loco Villanovaforru” in 1996.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22