A sa de 29 editziones sa "Sagra della Mandorla" de Baressa

In sa Mesa - Su 10 e s'11 de su de su mese de cabudanni 2022 torrat in Baressa sa "Sagra della Mandorla", un'apuntamentu chi valorizat sos màndigos de su territòriu. Sa "festa" de sa mèndula lompet ocannu a sa de bintinoe editziones; pro s'ocasione sunt prevìdidos tastos de durches traditzionales acumpangiados dae una tassa de binu Malvasia fatu cun àghina de sas bìngias baressesas.

Su programma chi est istadu aprontadu pro sa "Sagra della Mandorla" est bellu cumpridu. Difatis previdit mùsica "live", artistas de istrada, "show cooking" e su "show" “Isola in festa” de Giuliano Marongiu. Galu, sunt in programma finas sas bisitas a sos museos e a sas butegas artesanas.

Sa "Sagra della Mandorla" at a abèrrere sas ghennas suas su 10 de su mese de cabudanni a sas 10.30. L'at a fàghere cun sa mustra mercadu de sos produtos agrualimentares, cun sas àteras mustras aprontadas pro s'ocasione, cun s'acumprida de unu murales e cun sas bìsitas a sos momumentos. Sos titulos sunt unos cantos: "Botteghe dei mestieri 'Is Artis'"; "Realizzazione murale" a incuru de s'artista Stefano Pani; "Visita chiesa parrocchiale 'San Giorgio Martire'"; "Visita mostra permanente dell'Arte Sacra"; "Visita Sa Moba"; "Mostra naturalistica" a incuru de s'Agenzia Forestas.

A borta de die e a merie, in sa “Sagra della Mandorla” s'at a isboligare s'spetàculu de sos artistas de istrada, su de sos sonadores de sonete Alessio Piras e Gianni Ore, su cuntzertu de s'assòtziu musicale Alerese e s'ispetàculu de su grupu Kantidos.

Domìniga 11 de su mese cabudanni, a su mangianu su programma s'at a arrichire cun su "Laboratorio esperienziale" a incuru de s'“otrafo” Mattia Patteri; su "Raduno auto d'epoca" e su "Show cooking". Custu at a èssere unu momentu de importu e ad a bìdere comente protagonistas su mastru de su geladu Fabrizio Fenu e su "chef " Andrea Pani. A borta de die e a merie, imbetzes, s'at a isboligare sa "Rappresentazione della mandorlicoltura", chi at a èssere a incuru de sos pitzinnos de Baressa, e sa "Dimostrazione preparazione dolci alle mandorle". A sas 17.00 s'adòbiu at a èssere cun sa "Sfilata e rappresentazione di danza de su "gruppo folk Sant'Isidoro" de Baressa, de su "gruppo folk Sa Jara" de Tuili, de su "gruppo folk Su Sticcau" de Mòguru, "gruppo folk Valenza" de Nuragus, "gruppo folk Biddobrana" de Biddobrana e cun s'ispetàculu de sos sonadores de launeddas"Sonus Antigus".

Sos tastos de sos durches de mèndula ant a incumentzare a sas 18.00. A sos tastos ant a sighire s'ispetàculu de su cunsonu Genthiana de Ruinas e s'ispetàculu musicale de Maria Giovanna Cherchi. Sa "Sagra della Mandorla" 2022 s'at a concluire cun "Isola in Festa".

Attività realizzata col contributo della Regione Sardegna - IMPRENTAS 2021-2022. LR 22/2018, art. 22