Sos binos mègius de Sardigna pro su “Gambero Rosso”

Unu nùmeru “record” pro s'ìsula: 16 binos cun “Tre Bicchieri”
26 Settembre 2022
in sa mesa

In sa Mesa - Sa ghia de su "Gambero Rosso" "Vini d'Italia 2023" premiat sos binos de Sardigna. Sunt difatis 16 sos binos mègius de s'ìsula e sunt totus bèvidas chi faeddant de sa terra sarda.

Dae su cabu de susu a su cabu de giosso de Sardigna, totus sos territòrios ant binos chi faeddant de su logu in ue sunt istados fatos: sunt binos zonales importantes.

Ma faeddande pròpiu de sos prèmios est interessante bìdere carchi novidade e àteras e tantas cunfirmas. Sunt totus cosas chi faghent cumprèndere bene sa caminera chi ant leadu sos binos de Sardigna. Tra sos nùmenes primorosos b'est sa "Sa Raja", interessante realidade gadduresa; sa "Cantina Antonella Corda" de Serdiana; sa marmiddesa "Su'entu"; sa cantina famada "Sella & Mosca" e medas àteras. Sunt realidades chi contant sa terra issoro e faghent binos ligados a istrintu a su "terroir".

A dimustrare ca sa Sardigna est mama de binos primorosos sunt sos "Tre Bicchieri" batidos a domo dae: "Tenute Sella & Mosca" cun su binu "Alghero Torbato Catore 2020"; cantina "Giovanni Montisci" cun su binu "Cannonau di Sardegna Barrosu Franzisca Ris. 2019"; cantina "Giuseppe Gabbas" cun su binu "Cannonau di Sardegna Cl. Dule 2019"; cantina "La Contralta" cun su binu "Cannonau di Sardegna L'Ora Grande 2020"; cantina "Giuseppe Sedilesu" cun su binu "Cannonau di Sardegna Mamuthone 2020"; cantina "Antonella Corda" cun su binu "Cannonau di Sardegna Ris. 2019"; cantina "Santadi" cun su binu "Carignano del Sulcis Sup. Terre Brune 2018"; cantina "Fradiles" cun su binu "Mandrolisai Fradiles 2020"; cantina "Bentu Luna" cun su binu "Sobi 2020"; cantina "Pala" cun su binu "Stellato Vermentino 2021"; cantina "Su'entu" cun su binu "Su' Nico Bovale 2020"; cantina "Argiolas" cun su binu "Turriga 2018"; cantina "Masone Mannu" cun su binu "Vermentino di Gallura Petrizza 2021"; cantina "Saraja" cun su binu "Vermentino di Gallura Sup. Kramori 2021"; cantina "Surrau" cun su binu "Vermentino di Gallura Sup. Sciala 2021"; cantina "Audarya" cun su binu "Vermentino di Sardegna Camminera 2020".

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags