Binos sardos in su cuncursu "Mondial des vins extrêmes"

Su cuncursu est dedicadu a sos binos fatos in regiones montanas estremas
26 Ottobre 2022
in sa mesa

In sa Mesa - Sos binos sardos sunt tra sos protagonistas de su "Mondial des vins extrêmes", su cuncursu dedicadu a sos binos fatos in regiones montanas estremas, est a nàrrere in sos logos chi coltivant sa bide a manera eròica. Tocat a pretzisare ca custa manifestatzione internatzionale de importu at premiadu sa produtzione agrìcula de s's'ìsula e sos produtos suos.

Su "Mondial des vins extrêmes", chi lompet ocannu a sa de 30 editziones, est un'atopu de interessu mannu organizadu dae su Cervim ("Centro di Ricerca Studi e Salvaguardia Coordinamento e Valorizzazione per la Viticoltura Montana") e l'ant fatu in su mese de cabudanni coladu in Valle D'Aosta.

Si podet nàrrere ca sos critèrios prevìdidos dae su bandu de su cuncursu "Mondial des vins extrêmes" etotu istabilint de premiare sos binos cun su puntègiu prus artu moende dae unu puntègiu mìnimu de 85 tzentèsimos; sos binos ant otentu reconnoschimentos de pare a pare cun: sa "Gran Medaglia d'oro", sa "Medaglia d'oro" e sa "Medaglia d'Argento".

Gosi sunt unos cantos sos binos sardos de calidade chi batint a domo sa "vitòria". Sunt totus produtos de primore, binos chi si sunt dislindados pro àere unu nuscu e unu sabore ùnicu.

Binchet su prèmiu ispetziale "Cervin Originale 2022" su binu "Santomoro Carignano del Sulcis DOC Riserva". S'annada est sa de su 2019 e sa cantina chi lu produit est sa "Società Agricola Vigne Bentesali" de Sant'Antiogu.

Batit a domo sa "Gran Medaglia d'oro" su binu
Omphalos Bovale Isola de Nuraghi IGT annada 2020 de sa “Cantina del Mandrolisai” de Sòrgono.

In fines, binchent sa "Medaglia d'Argento" su binu "Mandrolisai Rosso DOC Tre Buccas" annada 2018 de s'"Azienda Agricola Zedde Giuseppe" de Sòrgono e su binu "Madrolisai Rosato DOC Spasule". S'annada de cust'ampulla est sa de su 2021 e s'azienda chi la produit est semper s'"Azienda Agricola Zedde Giuseppe" de Sòrgono.

Attività realizzata col contributo della Regione Sardegna - IMPRENTAS 2021-2022. LR 22/2018, art. 22

© RIPRODUZIONE RISERVATA
Tags