Arga diferentziada, sa Sardigna segunda a pustis de su Vènetu

Su datu nde essit a campu dae su raportu 2022 de s’Ispra
10 Gennaio 2023
arga

In contu de arga collida diferentziende·la, sa Sardigna si cunfirmat comente una intre sas regiones prus virtudosas. Su datu nde essit a campu dae su raportu 2022 de s’Ispra cun riferimentu a s’annu antepostu: 74,8 est su datu pertzentuale chi, traduidu in valores assolutos marcat 354 chilogrammos pro abitante de diferentziadu.

Petzi su Vènetu at fatu mègius de sos tzitadinos sardos oramai avesados a sa pràtica de rispetare s’ambiente movende dae su chi si nche fùliat. Unu datu chi nch’est in intro de una bassa produtzione de arga chi, cun sa fratzione sica, nche lompet a unu totale de 473 kg (502 sa mèdia italiana).

M.P.

© RIPRODUZIONE RISERVATA