Ispopulamentu e traballu, s'allarme de sa Cna

Tomasi e Porcu de su Cna Sardigna: «S'imbetzada de sa populatzione at a determinare una crèschida prus manna de sos gastos destinados a sa salude e a s’assistèntzia»
12 Gennaio 2023
ispopolamentu

«Sena polìticas eficatzes in contu de traballu e de cuntrastu a ispopulamentu e de natalidade, e in ausèntzia de unu pianu de isvilupu sèriu e credìbile, sas trasformatziones demogràficas in atu ant a ingendrare una mèngua de s’ocupatzione e a una torrada a dae in segus de su sistema econòmicu regionale». Est su chi narant Luigi Tomasi e Francesco Porcu, Presidente e Segretàriu regionales de Cna Sardigna. Chi agiunghent: «S'imbetzada de sa populatzione at a determinare una crèschida prus manna de sos gastos destinados a sa salude e a s’assistèntzia. Fatu fatu sos livellos ocupatzionales e reddituales bassos ant a ismanniare s’ispesa pro interventos de integratzione salariales toddende·nche·los a sos investimentos territoriales».

S’assòtziu artisanu contat chi, intre su 2011 e su 2021, sa populatzione sarda intre sos 15 e sos 64 annos est minimada de 110mila unidades, est a nàrrere su -9,8% (-4,3% in Itàlia). «Est cosa probàbile - narant Cna – chi su deghènniu imbeniente sa populatzione in edade de traballu mènguet de su 18,6% cun mìnimu 84mila traballadores in mancu».

M.P.

© RIPRODUZIONE RISERVATA