Lipu, Afni e Istitutu Othoca pro s’amparu de sas zonas ùmidas

In programma laboratòrios, mustras e escursiones
30 Gennaio 2023
giornata mondiale delle zone umide

Su 2 de freàrgiu est sa die mundiale de sas zonas ùmidas, ambientes netzessàrios pro s’amparu de sa biodiversidade e pro sa subravivèntzia nostra.

In tretos aristanesos bi nd’at 6 de sas 9 chi tenimus in Sardigna e in ocasione de custa ricurrèntzia (e finas a su 28) sa Lipu de Aristanis, in collaboratzione cun s’istitutu tècnicu istatale “Othoca”, est proponende una bìsita ghiada a su “Laboratorio Multimediale delle zone umide dell’oristanese” chi nch’est in intro de s’istitutu matessi.

In su laboratòriu b’at atretzaduras multimediales pro sos pitzocos e un’allestimentu chi proponet a su bisitadore s’ambiente lagunare gasi chi potzat acumprire a una passigiada virtuale cun sa biodiversidade e cun sas dinàmicas ambientales tìpicas de su logu istudiadu.

In su matessi perìodu s’at a pòdere visitare sa mustra “Inquinamento marino da plastica e micro plastica” in su Centro Giovani de carrera de Morosini aprontada dae su Ceas de Aristanis.

De prus, pro domìniga su 5 de freàrgiu, Afni e Lipu ant programmadu s’escursione “Tour delle lagune” intre sas zonas ùmidas de Terraba e Arborea; su 12, imbetzes, tapa in Marceddì.

M.P.

© RIPRODUZIONE RISERVATA