Mùsica, sas prataformas digitales pro sos dischentes de s’Iscola tzìvica MeA

Una novidade de giudu at a interessare luego sos dischentes de s’Iscola tzìvica MeA, cun sede tzentrale in Thiniscole. S’idea bogada a campu dae su diretore artìsticu Cristiano Porqueddu est sa de publicare una collana discogràfica de Ep pro la cumpartzire in sas prataformas de mùsica in streaming.

Sas produtziones ant a bìdere sa collaboratzione de sa classe colletiva de mùsica ghiada dae su dotzente Maurizio Pulina. «Sas potentzialidades de unu sistema de difusione che a su de sas prataformas digitales – narat Porqueddu – sunt atzessìbiles cun fatzilidade e ant a agiùnghere un’elementu de impèllida conca a su perfetzionamentu de sos dischentes de s’iscola». Sas registratziones ant a èssere còmpitu de MeA, sa distributzione at a èssere imbetzes a incuru de s’assòtziu nugoresu Musicare.

M.P.