Publicadu s'Avisu pro su cursu de perfetzionamentu "Digital innovation manager nell'industria 4.0"

"Sardegna Ricerche" at publicadu s'avisu pro leare parte a su cursu "Digital innovation manager nell'industria 4.0". Su cursu est lòmpidu a sa de duas editziones e est dedicadu a sos laureados in Dissiplinas Iscietìficas o in Economia.

Su cursu, comente si podet lèghere in su giassu internet de "Sardegna Ricerche", favoresset s'innovatzione in azienda. In totu ant a èssere 100 oras de perfetzionamentu professionale cun unu "project work" finale.

Su cursu at a incumentzare in su mese de martzu e at a acabbare in su mese de cabudanni 2023.

Sas dimandas pro s'iscritzione si devent imbiare intro sas 12.00 de su 13 de freàrgiu chi at a bènnere.