Mobilidade sanitària, 74 milliones gastados pro sas curas in continente

Intre sos gastos sotziales chi connoschimus pro neghe de una sanidade non cunforme a sos bisòngios de sa populatzione, b’est finamentas su de sa mobilidade. Biàgios de ispera lis narant, pròpiu ca in aterue si chircat su logu mègius pro sa cura dèghida.

Su saldu est negativu ca b’amus 16.367.089 èuros de crèditos, tzifra chi pertocat sa cura de persones chi a Sardigna benint pro si curare e 73.983.192 èuros de dèpidos, dinare ispesu pro sas curas in àteras regiones. Semus faeddende, cunforma a sos datos Gimbe, de unu saldu de su 2020, primu annu de sa pandemia. E semus faeddende, duncas, de unu saldu negativu de belle 58 milliones. A livellu pro càpite est de 36 èuros.

M.P.