Casteddu: 330mìgia èuros pro torrare a dare vida a noe àreas birdes

Aprofundimentu de su chenàbura - 330mìgia èuros pro torrare vida a noe àreas birdes in Casteddu. Dae su Poetu a Pirri, in sos parcos ant a nàschere àreas noas pro mandigare. Sos interventos de su " Servizio parchi, verde e gestione faunistica" de sa Comuna luego ant a incarrerare sos traballos.

Ma cale ant a èssere sos logos de rivalorizare? Tra sas àreas de rivalorizare b'est carrera "Cuoco", carrera "Mentana", pratza "dei Bersaglieri", pratza "degli Alpini", pratza Islanda, carrera "Trincea dei Razzi" cun pratza Seui, carrera "Africo", "Giardino Ausonia" e carrera "Beato Angelico".

Sa summa at a èssere impreada - sutalìneat ANSA - massimamente pro regioladuras e àrea pro giogare. Tra sos progetos in programma bi sunt finas 6 àreas pro sos canes.

tocat a pretzisare ca sunt medas sos parcos, sos giardinos e sas àreas birdes casteddajas chi ant bisòngiu de èssere rivalorizadas.

A pustis de su Covid "sos parcos, sos giardinos e sas àreas birdes - acrarat a ANSA su sìndigu de Casteddu Paolo Truzzu - sunt intrados a fàghere parte de sa vida de onni die", duncas "in prus de pensare a logos noos, s'amministratzione non devet ismenticare unas cantas àreas birdes ch giai sunt in tzitade". Àrea birdes, acrarat su sìndigu, chi ant bisòngiu de rivalorizatzione. Pro custa resone, a pustis de àere rivalorizadu 52 giardinos iscolàsticos e 26 àreas birdes, s'amministratzione comunale de Casteddu at agatadu resursas ulteriores pro incarrerare àteros noe interventos in àreas de giogu, àreas "fitness" e àreas dedicadas a sos canes.

"Interventos ulteriores - pretzisat su vitzesìndigu Angius - sunt prevididos in sos 10 parcos mannos". Sa gestione issoro at a èssere dividida in duos apaltos de noe annos". Cun custos apaltos s'ant a fàghere traballos de rennoamentu de sos giogos, de sos arredos e de sas àreas "fitness".
Tra sos traballos de su benidore b'est finas su recùperu de sos logos dedicados a su màndigu.