In manera sintètica. O antitètica

«Su 2018 amus firmadu un’acòrdiu chi testimòniat s’impignu nostru pro sustènnere s’isvilupu de una filera de sa petza bula italiana sustenìbile. Custu acòrdiu, firmadu in pare cun Coldiretti, Inalca e Aia, naschet cun sa punna de favorèssere s’adotzione e sa difusione de pràticas sustenìbiles e sa formatzione de su personale impiegadu in s’allevamentu in contu de benèssere animale, ambientale e econòmicu solidale».

Est cosa chi agatamus in su situ de McDonalds, cun sos rees de màndigu lestru chi annanghent: «A como b’at prus de milli allevamentos in intro de su progetu». Dae pagu su guvernu Meloni, a pustis de sas firmas regortas dae Coldiretti, at aprovadu su Ddl Lollobrigida contra a su màndigu “sintèticu”. Collende sas firmas Coldiretti naraiat de chèrrere amparare «identidade e istòria» e fiat contra a s'omologatzione.

immàgine domìniu pùblicu https://pxhere.com/it/photo/773274