Sinn Féin a su 31% in su nord. O’Neill: «Est tempus de fraigare unu mègius benidore pro totu cantos»

Creschet su Sinn Féin in Irlanda de su nord. In sas eletziones amministrativas de custu fine chida sa formatzione sotzialista chi punnat a una repùblica unida at otènnidu su 31% de sos votos creschende de 8 puntos pertzentuales cunforma a sas votatziones de su 2019. Calat, mancari de pagu, sa dereta unionista, su Dup chi cheret un’Irlanda de su nord semper unida cun su Rennu albiònicu e che diat chèrrere a torrarent sas barreras doganales cun s’Eire. Como su Sinn Féin nche lompet a 144 eletos, ma su Dup sighit a boicotare sa formatzione de unu guvernu de coalitzione ghiadu dae su Sf. «Est tempus de fàghere funtzionare sa polìtica – at naradu Michelle O’Neill, ghia de sos republicanos – pro totu sas persones e sas comunidades e de fraigare unu mègius benidore pro totu cantos».

m.p.