Casteddu, isetu mannu pro Cagliari-Bari

Cras sos de Ranieri ant a giogare su disafiu finale de andada pro sa promotzione in Sèrie A pro mèdiu de sos play off
7 Giugno 2023
playoffserieb

Vigìlia a coro in gula pro sos tifosos ruju-biaitos. Cras in Casteddu su Cagliari de Ranieri at a giogare contra a su Bari in su disafiu finale de andada pro sa promotzione in Sèrie A pro mèdiu de sos play off. S’àtera partida, in Bari, l’ant a giogare domìniga s’11. O s’una o s’àtera ant a èssere sa de tres iscuadras chi nche lompet a sa sèrie màssima a pustis de sa promotzione direta de Frosinone e Genoa. Su Cagliari in antis de sa finalìssima contra a su Bari at dèvidu giogare contra a su Venezia (binchende 2-1) e contra a su Parma (in antis binchende 3-2 e posca paregende 0-0). Como sos concruos. E mancari perdende (cosa chi non nde cherent s’intesa), giogadores e tifosos non s’ant a pòdere ismentigare de custa istajone ispantosa.

© RIPRODUZIONE RISERVATA