Essit "Imparos", su libru de sos Tenores de Neoneli

50 annos de mùsica, istòrias e esperièntzias
2 Giugno 2023
aprofundimentos

Aprofundimentu de su chenàbura - Essit Imparos su de ùndighi libros de sos Tenores de Neoneli. S'istòria de unu biàgiu longu 50 annos pagu prus o mancu, unu biàgiu musicale e de amore pro fàghere connòschere a su mundu sa bellesa de su càntigu a bolu.

Un'impignu mannu, su de sos Tenores de Neoneli, chi at istratzadu dae s'abbandonu sas tècnicas de su cuncordu neunelesu, variante de su cantu traditzionale de Sardigna. No est totu sos Tenores de Neoneli ant finas su mèritu àere valorizadu su sardu in onni cugione de mundu in ue ant fatu ascurtare s'arte issoro.

Sos de sos Tenores de Neoneli sunt prus de 2.000 cuntzertos. Cuntzertos fatos in sos palcos de 50 metròpoli de onni continente.

Imparos est firmadu dae su fundadore e ghia de sos Tenores de su Barigadu, su bàsciu Tonino Cau. Cun Cau bi sunt finas sa mesuoghe Ivo Marras, sas boghes Giuseppe Luigi e Angelo Pira (babbu e fìgiu), e su contra Roberto Dessì.

Ativu dae 47 annos, su cuncordu at segudadu una fama internatzionale enorme tra cuntzertos, ispetàculos, progetos, publicatziones e collaboratziones cun artistas de sa "world music". Faeddamus de nùmenes importantes comente Cristina Maria, Eugenio Bennato, Custodio Castelo, Josè Barros, Antonio Gramsci jr, Rao Kjao, sos Chieftains e Stefano Saletti. Ma finas "stars" de su "poprock" e de sa cantzone de autore comenteVecchioni, Guccini, Branduardi, Baccini, Elio, Ligabue, Finardi e sa Pfm.

Imparos no at a èssere s'ùrtimu libru de sos Tenores de Neoneli, chi faghent ischire ca ant in conca finas un'àteru libru, unu libru chi no at trigare a essire. In s'ìnteri sos Tenores de Neoneli sunt impinnados in su cuntzertu ispetàculu chi s'at a isboligare in Sardigna su 28 de su mese de trìulas 2023, a manera pretzisa s'at a isboligare in Tèmpiu, pro ammentare su fogu de Curraggia, unu fogu chi baranta annos a como at bisestradu su territòriu, ochidu noe persones e chi at fatu finas unu nùmeru mannu de fertos.

© RIPRODUZIONE RISERVATA

Aprofundimentos

Attività realizzata col contributo della Regione Sardegna - IMPRENTAS 2022-2023. LR 22/2018, art. 22

Image
ras