Mùsica Stoner, su primu de trìulas su Set to Sun

Tempus de fèstival istiales est e in totu sa Sardigna b’at palcos e rassignas pro ascurtare mùsica.

In sas prajas, in sos sartos e fintzas in presone, comente sa segunda editzione de su Jailhouse Rock in s’istrutura de Uta pagas dies a como.

Cosa de marcare in calendàriu – pro sos amantiosos de su stoner – est su Set to Sun de su primu de trìulas in sa Marina de Gàiru, mancari riservadu a 150 persones ebbia pro non b’àere càrrigu antròpicu grae. Fintzas su palcu at a èssere minimale pro no istorbare s’ambiente a inghìriu. Bator sos grupos chi s’ant a intreverare: sos piemontesos Ufomammut, sos toscanos Mr. Bison, sos tataresos Loose Sutures e sos ociastrinos Red Goat. S’eventu est patronadu dae su Comune de Gàiru e promòvidu dae Monolithix Records e Electric Valley Record. Pro àere prus info est possìbile a iscrìere a settosunfestival@gmail.com