Una corroga cun sa callentura de su Nilu

Aprofundimentu de su lunis - Una corroga de Sabarussa at sa callentura de su Nilu. Su pugione est su primu cun callentura de su Nilu in Sardigna de su 2023.
Su virus est istadu iscobertu a pustis de su pianu de abatimentu chi interessat sos animales chi faghent dannu a s'agricultura. Su pianu, lu ammentamus, est istadu cheridu dae s'amministratzione provintziale.

Ma comente est acadessia s'iscoberta? S'iscoberta est istada fata a pustis de àere analizadu carchi pugione, a pustis de su traballu de anàlisi una corroga est bessida positiva  a su virus "West Nile", unu virus a unu virus a RNA de sa famìlia de sos "Flaviviridae" gènere "Flavivirus", denumenadu "West Nile Virus (WNV)".

Gosi est, ca su Dipartimentu de prevenimentu de sa Asl de Aristanis, comente at àpidu sa cunfirma de sa positividade de corroga a su virus "West Nile", at imbiadu una comunicatzione a su sìndigu de Sabarussa Gianmario Tendas. In sa comunicatzione bi fiat una proposta de ordinàntzia pro s'afortiamentu de sa medida de prevenimentu e de protetzione, giai ativadas dae s'azienda sanitària aristanesa (Dipartimentu de prevenimentu) cando est intradu s'istiu.
Su virus "West Nile", si podet trasmìtere dae sos pugiones a s'òmine o dae sos pugiones a àteros animales pro mèdiu de una pitzuladura de tzintzua, in 80% de sos casos s'isvilupat sena de sentinas, mentras in su 20 % de sos casos s'isvilupat cun sentinas che pare a sos de s'influèntzia. Est a nàrrere cun dolore de conca, gana mala e catzadura).

Pròpiu eris, 13 su mese de trìulas 2023 s'Iss ("Istituto superiore di sanità") aiat comunicadu su primu casu de maladia de su 2023 chi at fertu a un'òmine de sa provìntzia de Parma.

Pro Valentina Marras, Diretora de su Servìtziu de Igiene e Sanidade pùblica de sa Asl n° 5, sa situatzione est no devet creare ispramas inutilosas. De ogni manera est importante leare unos cantos de isbrigos comente su de non lassare s'abba calla calla.