Annestru bèllicu: sa Difesa: «Non si podet menguare»

S’àteru die ant faeddadu sos de A Foras. A pustis est essidu un’artìculu de Mauro Pili in s’Unione sarda. E a custu rispondent dae su ministeru de sa Difesa narende chi «su cuadru istratègicu atuale non permitit de arresonare in contu de mènguas de atividades de annestru de sas fortzas armadas». Però nos cherent bene. «Sa Difesa assegurat e at a assegurare cada possìbile contributu pro s’isvilupu sustenìbile de sa Regione pro mèdiu de interventos chi acrescant sa chirca iscientìfica, s’isvilupu tecnològicu. s’innovatzione e programma de isvilupu (e tres, ndr) industriale e tzivile. Mancari su Comitadu paritèticu no apat cumpartzidu su programma de annestru sa Difesa at acòllidu sa sensibilidade sua, torrende a nàrrere chi emmo a sa disponibilidade màssima pro acollire cada cunvoca de sas mesas temàticas chi sos òrganos regionales ant a chèrrere promòvere».

m.p.