Cheese 2023, 13 aziendas sardas in fiera

Cun 13 aziendas sa Sardigna est rapresentada in sa fiera internatzionale “Cheese 2023” dedicada a su casu a late cruu e a sa biodiversidade e chi sunt faghende in Bra finas a su 18 de custu mese. In su padiglione, in pare cun sas tres denominatziones de orìgine proteta (Dop) Fiore Sardo, Pecorino Sardo e Pecorino romano, sos produtos noos a late cruu, cun casu berbeghinu a pasta crua, regotu istajonadu, casu cràbinu e produtziones a pasta filada cun late bàchinu, berbeghinos aromatizados e afines. Presentes sos presìdios Slow food Pecorino di Osilo, Casizolu del Montiferru, Axridda di Escalaplano, Fiore Sardo dei Pastori, Fresa di Ittiri, Pecorino dell’Alta Baronia e Pompìa di Siniscola.