Lega Pro. Saruddéddi la cabbu-listha!
E abà la Torres è sora in crassífigga. Dabbói d’abé vintu lu derby sardhu cu’ l’Olbia, a funi iscioltha, s’à pigliaddu althri tre punti contr’a la Carrarese chi, pa’ chisthu, no è più fendi tanta barra. Li di lu màimaru abà so difatti faraddi in tezza pusizioni lassendi la sigunda a lu Pescara. Puntéggiu pienu dunca pa’ li sassarési di mister Greco. Tutt’e dui li gol di li nosthri i’ la riprésa. A quattòrdhizi minuti da lu frùsciu d’ischumenzu di lu sigundu tempu è Francesco Ruocco a marchà l’1-0: tiru diagonari e lu Vanni Sanna in festha. A lu settantagguattrésimu è la voltha di lu capitanu Gigi Scotto, da li òndizi metri. A lu rigori avversàriu v’à inveci pinsaddu lu porthiéri torresinu Andrea Zaccagno, di bona muta: bòccia paradda e avvidézzi. Dumènigga turritani in traiffertha i’ lu campu di lu Sestri Levante.
L’Olbia, inveci, s’à présu solamenti un puntu illu pratu ‘eldi di l’Arezzo. La paltita di malti è finuta in paritai cu’ li patroni di casa in vantagghju a lu minutu di 62: rigóri chi Guccione no si l’è faddutu. Ma li gaddurési no ani paldutu tempu. Dui minuti dapói Gianluca Continì à malcatu lu gol di lu puntu pultatu a Tarranóa. Dumínica illu Nespoli è la ‘olta di la Carrarese frisca di scunfitta.
| P | G | V | N | P | F | R | D | ||
| 1 |  Torres |
12 | 4 | 4 | 0 | 0 | 9 | 2 | 7 |
| 2 |  Pescara |
10 | 4 | 3 | 1 | 0 | 9 | 5 | 4 |
| 3 |  Carrarese |
9 | 4 | 3 | 0 | 1 | 7 | 3 | 4 |
| 4 |  Lucchese |
8 | 4 | 2 | 2 | 0 | 4 | 1 | 3 |
| 5 |  Olbia |
7 | 4 | 2 | 1 | 1 | 4 | 5 | -1 |
| 6 |  Cesena |
6 | 3 | 2 | 0 | 1 | 8 | 3 | 5 |
| 7 |  Perugia |
6 | 4 | 1 | 3 | 0 | 4 | 3 | 1 |
| 8 |  Spal |
6 | 3 | 2 | 0 | 1 | 3 | 2 | 1 |
| 9 |  Gubbio |
6 | 4 | 1 | 3 | 0 | 3 | 2 | 1 |
| 10 |  Pineto |
5 | 4 | 1 | 2 | 1 | 2 | 2 | 0 |
| 11 |  Pontedera |
4 | 4 | 1 | 1 | 2 | 4 | 5 | -1 |
| 12 |  Arezzo |
4 | 4 | 1 | 1 | 2 | 6 | 8 | -2 |
| 13 |  Fermana |
4 | 4 | 1 | 1 | 2 | 1 | 4 | -3 |
| 14 |  Ancona |
4 | 4 | 1 | 1 | 2 | 3 | 7 | -4 |
| 15 |  Vis Pesaro |
3 | 4 | 1 | 0 | 3 | 2 | 3 | -1 |
| 16 |  Rimini |
3 | 4 | 1 | 0 | 3 | 6 | 8 | -2 |
| 17 |  Recanatese |
3 | 3 | 1 | 0 | 2 | 3 | 5 | -2 |
| 18 |  Sestri Levante |
3 | 4 | 1 | 0 | 3 | 2 | 5 | -3 |
| 19 |  Virtus Entella |
2 | 4 | 0 | 2 | 2 | 1 | 4 | -3 |
| 20 |  Juve NG |
0 | 3 | 0 | 0 | 3 | 4 | 8 | -4 |