Sàbadu in Casteddu su Prèmiu Ondras

Sàbadu in Casteddu, a is 18 de sero in sa s’ex Manifattura Tabacchi, ddoe at a èssere sa premiatzione de sa segunda editzione de Ondras in contu de amparu de is limbas de minoria. Is binchidores de ocannu sunt Blanca Ines Fernandez Quintana, iscritora asturiana, Gianfranco Fronteddu, tradutore in ambientes tecnològicos, su professore de Filologia romanza in Gotinga Guido Mensching, sa dotzende de Linguìstica acuisitzionale in Edimburgu Antonella Sorace. At a introduire is traballos su presidente regionali de Acli Mauro Carta. Ddoe ant a èssere fintzas in cumponentes de sa giuria Giuseppe Corongiu, Nicolò Migheli e Mariantonietta Piga.