Torres azzudda: quinta vittòria e althri tre punti

Zincu n’à giuggaddu e zincu n’à vintu. Lu matessi di l’Inter in sèrie A. Ma semmu fabiddendi di la Torres, chi arimani l’è basthadda una rete contr’a lu Sestri Levante pa’ cunfeimmassi cabbu-listha. La Torres abà è l’únicu rúiu-biaittu sardhu chi è vinzendi e, a differenza di l’Inter (chi nemmancu edda v’à mai giuggaddu), manteni vibu lu sònniu di la B. Dunca so quíndizi abà li punti marchaddi in crassífigga fra ca non vo vidé pindacci e ca non vidia l’óra di chisthu mamentu. Mister Greco è prammàticu parchí già lu sa chi lu campionaddu è longu. Ma l’isqhuadra è azzudda assai. In Carrara (la parthidda éra inchiddà) li nosthri ani sufférthu un poggu i’lu primu tempu e li di lu Sestri ani centraddu puru la trabéssa. Ma la Torres à fattu vidé la so’ passunariddai e a lu sigundu minutu di la riprésa accó lu gol di Zecca. Vittória assigguradda finza pa’ li mériti di Zaccagno chi à evitaddu lu paréggiu di li líguri.

L’Olbia, pa’ un’alta ‘olta ancóra, s’è filmata a un puntu. La paltita d’ariséra è finuta in paritai senza réti.