Su Campus largu de su M5s

Su disinnu pariat craru. Faghimus un’acordu regionale cun raighinas in Roma e cun frùtoras lòmpidas in periferia. De custa manera su M5s at otènnidu sa ghia de sa coalitzione de tzentru manca – su campu lagu semper prus astrintu – e deviat serrare s’esperièntzia de guvernu tzitadinu cun Nanni Campus chi, mancari non de su tzentru dereta, de manca no est. De su restu unu sèberu pro Casteddu nch’est in intro de àteros sèberos e totu devet torrare. Ma sos pentisteddados tataresos sunt disafiende a su coordinadore regionale Ettore Licheri ammentende·li chi issu etotu fiat de acordu a sustènnere sa Giunta Campus. E chi non nde cherent s’intesa de si nch’essire dae cussa majoria. Duncas, Campus largu prus chi non Campu largu.

m.p.