Làsthima Torres, lu paréggiu no è basthanti

La vittória di lu Cesena, i’ la parthidda giuggadda arimani contr’a la Juventus Next Gen, à poshtu di nobu la Torres addanazi a l’óbbrigu di pigliassi tre punti pa’ non pirdhí la primma pusizioni. La Fermana di Domenico Toscano, ùlthima in crassífigga, è puru edda zirchendi lu risulthaddu di chissi chi còntani. E prontamenti marcha lu vantàggiu: punizioni di Fontana a lu minutu di 15 e Misurata non pardhona Zaccagno. Li sassarési càmbiani un poggu lu gioggu i’ lu sigundu tempu. Pàssani 10 minuti e Ruocco marcha lu gol di lu 1-1 cu’ lu dresthu sóiu a l’ingruziadda. No màncani a li nostrhi li pussibbiriddai di lu segundu gol cun Ruocco e Liviero, ma pa’ chisthu giru tocca a inguddí. E a li pindacci di trabéssu.