Viva l'Italia. Sos de Renzi cun Soru

«Cunforma a sas eletziones regionales Italia Viva at semper miradu cun interessu a sa proposta polìtica, tzìvica e sardista giuta a dae in antis in custos meses dae Renato Soru. Tenimus a cumone ideas, programmas e prospetivas de isvilupu pro una regione semper prus moderna, inclusiva e serente a sos abitantes suos». A lu nàrrere est sa presidente sarda da su partidu de Matteo Renzi chi a un’ala atacat su tzentru-dereta de Truzzu (nende·li «sovranista») e a s’àtera su tzentru-manca de Todde (definidu «massimalista e populista»).

Italia Viva a su presente est in sa Giunta Solinas cun s’assessora Anita Pili. B’at tempus de carchi die pro ischire si b’at a intrare àtere in sa Coalizione sarda. Tipu sos sardistas a pustis de sas apeddadas leghistas sena mossu.

m.p.