Sa Torres binchet galu e mantenet istàbile sa segunda positzione

Sa Torres bi la sighit binchende e oe, in su Vanni Sanna, conchistat tres puntos de importu pro chi si mantèngiat sa segunda positzione. Determinante sa rete de Diakite a su de 78 minutos. Rallentada sa cursa de su Perugia (cun sos giogadores chi torrant a Ùmbria a manos iscutas) e fintzas sa de sa Carrarese chi at paregiadu cun s’Ancona. Como tocat a bìdere si su Cesena mantenet sa matessi distàntzia in sa partida de custu note. S'Olbia torrat a pèrdere, 1-0 pro su Pineto.

m.p.