Firmare sos atacos, s'estraditzione de Anan Yaeesh e sos acordos intre Uniss e Leonardo, su 9 presìdiu in Tàtari
![tàtari palestina](/sites/default/files/styles/header_md/public/upload/2024/03/t%C3%A0tari%20palestina.jpg?h=31aa7339&itok=X2HtR5Y9)
Studenti per la Palestina, Giòvanos Palestinesos de Tàtari e s'Assemblea tzitadina pro sa Palestina sunt aprontende unu presìdiu a ogros de sa Prefetura invitende a totu sos tataresos, a totu sos sardos e a sas comunidades migrantes a si mobilitare pro firmare sos atacos in Gaza e in Tzisgiordània. S’intentu est fintzas su de impedire s’estraditzione de Anan Yaeesh, ativista palestinesu, a Israele e su de serrare sos raportos intre s’Universidade de Tàtari e Leonardo Spa, sa primu azienda bèllica d’Europa chi frunit armas a s’esèrtzitu israelianu. Apuntamentu su 9. Inoghe suta su comunicadu.