Palestina, in Tàtari assemblea pùblica in pratza

Giovani Palestinesi - Sassari, Studenti per la Palestina, e Assemblea cittadina per la Palestina, in sa sede de s’assòtziu Sa Domo de Totus, ant presentadu eris su programma de sa manifestatzione de cras, sàbadu 13. A sas 3 de merie at a mòvere su corteu dae pratza de Azuni conca a pratza de s’Universidade in ue b’at a èssere un’assemblea pùblica pro chistionare de Palestina. «Sighimus a pedire a su Senadu acadèmicu e a su Retore – ant naradu sos organizadores – de sessare cada raportu cun Leonardo Spa, azienda italiana intre sa prus produtoras mannas de armas in Europa chi nde frunit a Israele, istadu chi est acumprende a beru a unu genotzìdiu». In fundu a s’artìculu su comunicadu in italianu.