Ispeculatzione energètica, su comitadu de sa Nurra si presentat in S'Alighera

Sàbadu su primu de làmpadas in S’Alighera a sas 6 de sero, in sa Fondazione Laconi de carrera de Mazzini 99, b’at a èssere sa presentatzione de su comitadu Nurra contra a s’ispeculatzione energètica. In sa mesa s’ant a intreverare sos referentes de su comitadu matessi pro illustrare sa situatzione de assàchiu a su territòriu pro more de su grandu nùmeru de rechestas de impiantos noos de fotovoltàicu, agrivoltàicu e eòlicu cunforma a s’abbastu energèticu de Sardigna. S’apuntamentu aligheresu sighit sos duos de Tàtari e Portu Turre de sas dies coladas.

m.p.