Clothes sharing e màndigos de dura, su mutualismu de sa Domo de Totus

Torrat in Tàtari, in sa Domu de Totus e in collaboratzione cun su Fronte della Gioventù comunista, sa distributzione de sos bestires contra a s’aumentu de sos prejos. «Cumpartzimus ca est s’arma nostra sa prus manna – narat Roberta Pisanu, responsàbile de su grupu mutualismu de sa DdT -, privos de issa semus disamparados in cara de una povertade materiale e ispirituale semper prus manna». Custu giru su clothes sharing est acumpangiadu dae sa regorta de màndigos de dura e de àteros produtos de prima netzessidade. «Sos leader europeos – narat Pierluigi Cocco de su Fgc – faeddant de economia de gherra e sos benes de prima netzessidade creschent finas de su 180%». Sa regorta est possìbile fina a oe, 31 de maju, dae sas 16.30 a sas 19.30 in sa Domo de carrera de Frigaglia 14b. Sa distributzione su primu e su 2 de làmpadas dae sas 10 a sa una e dae sas 5 a sas 8 de sero.