Dae foras de su Cussìgiu – Progetto Sardegna in contu de rinnovàbiles e ispeculatzione

«Cada mèdiu est utilosu e, mancari sena rapresentantes in Cussìgiu, ponimus a disponimentu de sos cussigeris regionales sos emendamentos nostros». Est su chi narat Renato Soru a nùmene de Progetto Sardegna in sa lìtera de acumpangiamentu imbiada a sos cabos de grupu in su parlamentu sardu. «Diamus chèrrere contribuire a fraigare un’istrumentu legislativu pro su guvernu cumplessivu de sa produtzione de energia dae fontes rinnovàbiles acumprende a sos mandos istatutàrios nostros in riferimentu a s’artìculu 4 (cumpetèntzia cuncurrente in matèria de produtzione e distributzione) e a s’artìculu 5 (facultade de adatare sas leges de sa Repùblica a sas esigèntzias de sa Regione)». Sa polèmica est imbetzes cun sa presidente Todde chi diat àere «”racumandadu” a sos Cussigeris de majoria de no esertzitare su ruolu issoro de legisladores e de aprovare su testu sena perunu megioru».