Nurra contra a s'ispeculatzione energètica, 4 dimandas a sos candidados a sìndigu

«A connoschèntzia seis de custa situatzione drammàtica in contu de chistione tècnicas e in contu de cunsighèntzias sotziales, econòmicas e ambientales in su territòriu? Galu cherides favorèssere s’isvilupu bàrbaru de sas fontes rinnovàbiles in su Nord-Est de s’ìsula nostra? Pensades chi de custa problemàtica e de sa risolutzione sua si nde devat interessare sa Giunta Regionale ebbia, dimandende·li gasi cada initziativa pro chi s’amparet s’integridade territoriale de sa Sardigna? Cumpresu l’ais cantu sunt de giudu pro sa Comunidade europea e su Guvernu italianu su bentu, su sole, sos paschìngios, sos montes e sas abbas de sos litorales de s’ìsula nostra istimada». Custas bator dimandas, su comitadu de sa Nurra contra a s’ispeculatzione energètica las est indiritzende a sos candidados a sìndigu de Tàtari, S’Alighera e Sossu. Candidados a sìndigu chi, de prus, sunt invitados a s’addòbiu de mèrcuris su 5 de làmpadas (a sas 6 de sero a ogros a Palatzu Ducale) pròpiu pro torrare sa risposta issoro.