Consumu de su terrinu, duos eventos in Aristanis e Narabuia

Conca a sa die mundiale de su terrinu, Italia nostra e su comitadu S’Arrieddu organizant duos eventos pùblicos pro faeddare de s’importu suo e de s’amparu dae sos efetos acajonados dae su consumu. Pigat parte a sos apuntamentos su Prof. Paolo Pileri, dotzente de pianificatzione e progetatzione urbanìstica in su Politècnicu de Milanu. Cun issu s’ùrtimu libru suo “Dalla Parte del suolo, l’ecosistema invisibile”. Su primu addòbiu est pro su 30 de santandria cun sos istudiantes de su “De Castro” in Aristanis, in pratza de Aldo Moro in Aristanis. Su segundu in Narabuia, su matessi die ma a sas 16.30 in su tzentru polivalente de pratza de Segni. Tìtulu de sos eventos est “Transizione energetica, consumo di suolo e speculazione”.