“In girum imus nocte”, arte e comunidades su 4 de nadale in su Man

Su 4 de nadale su Man òspitat sa presentatzione de su volume “In girum imus nocte” de Giorgio Andreatta Calò, imprentadu dae Humboldt books. A s’autore, presente, l’ant a porrogare sa diretora de su museu Chiara Gatti e sa curadora de s’òpera Elisabetta Masala. Pròpiu deghe annos a su 4 de nadale, a de note, s’autore acumpreit a un’atzione simbòlica in pare cun unos deghe minadores: unu caminu virtuale dae s’interinada a s’avrèschida ponende paris memòria, arte, polìtica, identidade e territòriu. Dae sa mina de Nuraxi Figus sos partetzipantes nche lompeint a s’ìsula de Santu Antiogu conduidos dae unu grupu de piscadores, su note de Santa Bàrbara, signende sos concruos de un’època. Su traballu editoriale oferit duncas unu contributu pro cumprèndere su raportu intre arte cuntemporànea, comunidades e mudadas sotziales e econòmicas.