Sacàrgia, sos de Pratobello: «Regione muda, Todde e Cani si dimitant»

«Sa presidente Todde e s’assessore Cani si dimitant deretu». Est cantu si leghet in su comunicadu imprenta de su movimentu “Pratobello 24” pro su «mudìmene chi at avalladu unu progetu de afortimentu eòlicu in tretos de sa basìlica de Sacàrgia». «Su Tar at annulladu su provedimentu regionale de su 27 de cabudanni decrarende chi s’est formadu unu “silenzio-assenso” pro su chi pertocat s’istàntzia de de autorizatzione ùnica presentada su 15 de abrile. Custa cosa cheret nàrrere chi b’at unu bòidu istitutzionale grave e una gestione superfitziale dae parte de sa Regione».