Campu boas in S'Alighera, si nde faeddat su 6 in sa sala San Francesco

«Cale tutela e cale destinu pro su mare e pro sa costera aligheresa?» est su tìtulu de s’addòbiu in programma su 6 de nadale in S’Alighera (a sas 6 de merie in sa sala “San Francesco”). Organizadu dae Earth Gardeners, Italia Nostra Sardegna, Lipu Sardegna, Punta Giglio Libera-Ridiamo Vita al Parco, Parco NordOvest Sardegna, SardegnAmbiente e Sardenya i Llibertat, s’apuntamentu serbit – narant - «a favorèssere un’allega pùblica chi interesset sa comunidade e sas rappresentàntzias istitutzionales e de categoria in contu de sos progetos de campos boas in s’Àrea marina proteta de Cap de la Caça». In lista sos interventos de Francesco Marinaro (vitzesìndigu de S’Alighera), Valdo Di Nolfo (cussigeri regionale), Raniero Selva (assessore de sa Tutela e de sa valorizatzione ambientale), Mimmo Pirisi (presidente de su Cussìgiu comunale de S’Alighera), Emiliano Orrù (presidente azienda ispetziale Parcu de Porto Conte), Giovanni Caneo (assòtziu de sos piscadores de sa Costera del Corall), Giovanni Delrio (piscadore), Carmelo Mura (rapresentante de s’assòtziu Cigarellu), Angelo Angius (vitzepresidente regionale CNA Sardegna), Stefano Lubrano (albergadore) e Giancarlo Piras (presidente de su cunsòrtziu Porto di Alghero). Parco naturale di Porto Conte, foto di Gianni Careddu