Energia, sos comitados de su sud a sos Presidentes issoro: «Unide·bos contra a custa gestione predatòria»

«Sa gestione de sas risorsas energèticas de su Sud est predatòria; sos benefìtzios andant a sas aziendas mannas e a sas regiones de su Nord; sos Presidentes de sas regiones de su sud s’aunant in una protesta comune». Est custa sa prataforma chi sos comitados sutascritores ant dadu a ischire a sos guvernadores issoro. «Pensamus chi unu cunfrontu costrutivu intre istitutziones, impresas e sotziedade tzivile siat fundamentale pro definire una situatzione energètica a tretu de coniugare isvilupu econòmicu e sustenibilidade ambientale». Pro sa Sardigna ant firmadu Coordinamento Comitati sardi contro la speculazione energetica, Italia Nostra – Sardegna e ISDE - Sardegna. Inoghe suta su documentu integrale.