Una riforma sanitària noa, pro mudare ite?

Parent prus chi non betzas sas decraratziones fatas in campagna eletorale unu pagu dae totu cantos de no chèrrere istare cadda borta a fàghere una riforma sanitària noa. Ma como est àteru tempus. E gasi su Pd, chi cheret chi colet sa lìnia sua sena mancu àere s’assessoradu cumpetente, est proponende duas grandes Asl in Casteddu e Tàtari e duas macro-àreas: una “Tirrènica” (torrat su bisu mai postu a banda de Roberto Deriu chi de tirrènica cheriat sa provìntzia) e una “Campidanesa”. B’at de si pregontare si sos tzitadinos in lista de isetu siant isetende sa riforma ennèsima chi però non mudat pro nudda su disacatu sanitàriu.