Sa bitória de Pedru Mele: premiau in San Marino cun su videu chi denuntziat s'ocupatzioni militari de sa Sardigna

2 Febbraio 2012
Image
logoregione-SARDUesploso206.png

Ascurta custa nova


(IlMinuto) – Casteddu, 2 de su mesi de fiàrgiu - Su sderrocu de un'aereu militari chi aterrat amantat su sonu de su bentu e su cantu de is pillonis. Est un'iscena chi s'arrapitit totus is diris de 30 annus a custa parti in sa vida de su pastori protagonista de “Everyday”, su videu chi at biu a Pedru Mele bincidori de "Senz’Appello": su cuncursu de arti po videus de sa Galleria de Arti Moderna e Contemporanea de sa Repúbrica de San Marino. In cincu minutus de efetu mannu Mele descririt cun abilidadi manna s'ocupatzioni militari de sa Sardigna: s'Ísula aundi su stadu italianu - comenti amentat su riassuntu de s'òpera - at sceberau de ponni su 60% po centu de su demàniu militari. Su prétziu de custa ocupatzioni militari chi nisciunu at dimandau - scririt s'artista in sa presentada de s'òpera - est "una destrossa de civílis, mortus po tumoris […], comenti puru de unu númeru mannu de maladias geneticas". Ma si puru ddoi funt stètias diversas protestas contra a is basis, is esercitatzionis militaris de sa Nato o de stadus comenti Israeli sighint. Ita ndi pensais bosàterus? Sa redatzioni de IlMinuto torrat cras cun d-un’àtera puntada de S’úrtima nova: unu progetu chi bit a su ligidori protagonista de su giornali inditendi is novas chi fueddant de Sardigna e chi po issu funt de importu mannu.

Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda


© RIPRODUZIONE RISERVATA

S'ùrtima nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda.

Image
Regione Autonoma Sardigna

Commenti

Mai ismentigare o negare su chi est istadu i est una tragedia
manna una de is pius mannas.... unu chi no at rispetu pro sa Sardigna est in mala fide

scusaimì biu ca eisi chistionau de custu poita no scriesi puru de is radar? apu intendiu calincuna cosa de Antonello Tiddia, ma non appu cumprendiu beni.

Castiai: http://www.facebook.com/notes/sardegna-unita-e-indipendente/deputati-sardi-del-pd-protestano-la-sardegna-non-deve-essere-esclusa-dalle-speri/186385614744956
Custu puru :-/
http://www.camera.it/417?idSeduta=343&resoconto=btris&param=btris
e mi scittu...