Cumprendi e afrontai sa dislessia cun sa datoressa Nurchis

9 Marzo 2012
Image
logoregione-SARDUesploso2032.png

Ascurta custa nova


(S’úrtima nova) – Casteddu, 9 de su mesi de martzu - Ita est sa dislessia? Est unu Disturbu ispecíficu de s'annestru chi ferrit assumancu su 5 po centu de sa populatzioni iscolastica, epuru si ndi fueddat meda pagu e, prusatotu, si fait pagu po individuai e agiudai is scientis cun DSA. Est cun s'idea de fueddai de custu disturbu cun sa genti ca sa libreria Giunti de Tàtari, sàbudu 17, sàbudu 24, sàbudu 31 de su mesi de martzu e sàbudu 7 de su mesi de arbili de is 16.30 a is 19.30 aprontat unu ciclu de atopus, cun sa datoressa Nurchis, asuba de sa dislessia e de is DSA.  In is atopus funt prevìdius cuntributus pigaus de su líburu "Comenti ligi sa dislessia e is DSA", de Giacu Stella e Luca Grandi. Caratterìstica de custu disturbu est, difatis, sa particularidadi sua chi interessat un'area de intiga (lézida, scridura, càlculu) lassendu innotu su funtzionamentu intelletivu generali. Un'importanti proposta, duncas, chi s'agiudat a cumprendi e afrontai mellus is chistionis acapiadas a dislessia e DSA, poita is piciocus dislessicus podint imparai puru si in d-unu modu unu pagu diversu de is àterus. E bosàterus ita ndi petzasis? Sa redatzioni de IlMinuto torrat lúnis cun d-un’àtera puntada de S’úrtima nova: unu progetu chi bit a su ligidori protagonista de su giornali inditendi is novas chi fueddant de Sardigna e chi po issu funt de importu mannu.

Scàrriga custa nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda


© RIPRODUZIONE RISERVATA

S'ùrtima nova

Progetu realizadu cun sa partetzipatzione de sa Regione Autònoma de Sardigna – L.R 26/97 subra sa limba e sa cultura sarda.

Image
Regione Autonoma Sardigna

Commenti