Sos sardos de Torinu pro sa die de sa Memòria

Su 27 de ghennàrgiu, a sas 11.30 in pratza de Peyron, sos sardos in Torinu de s'assòtziu Gramsci ant a dare s’omenàgiu issoro a Giovanni Antonio Vacca, abogadu de Ovodda deportadu e mortu in Buchenwald. L’ant a fàghere in ue dae su 20216 b’est sa “pietra d’inciampo” (parte de unu museu difusu ispartu in tzitade) chi l’ammentat.

S’initziativa est patrotzinada dae sa de bator tzircuscritziones e b’ant a pigare parte sas autoridades tzitadinas, sos istudiantes, sos rapresentantes de s'Anpi, su Prof. Lucio Monaco de s'Aned, sos assotziados e sos dirigentes de su Gramsci cun su presidente issoro Matteo Mereu. A merie, a sas 6.30, in sa sede de carrera de Musinè, b’at a èssere sa projetzione de su docufilm pro Gesuino Paba, originàriu de Aritzo, e subravìvidu a su campo de istermìniu de Buchenwald.

M.P.