Sa coghina aligheresa in su libru de Carla Valentino

Chenàbura su 27, in sa sede de s’ Òmnium Cultural de carrera de La Marmora, Carla Valentino at a presentare su libru suo de retzetas “Cullera de taula.

"La cuina de casa mia". Su volume est totu cantu in aligheresu e custa limba si presentat comente s’ingrediente printzipale chi cundit caa pratu presentadu.

S’idea, isterrende·lu, fiat sa de recuperare su lèssicu familiare ligadu a s'aprontu de su màndigu locale. S’àtera idea fiat sa de propònnere in forma iscrita sas connoschèntzias chi in contu de coghina sunt lòmpidas finas a nois in forma orale.

Carla Valentino est vitzepresidente de s’Òmnium Cultural de l’Alguer, insegnante de aligheresu, tradutora e autora, at valorizadu àteras bortas custa minoria linguìstica de Sardigna bortende a Antoine De Saint-Exupéry, a Luis Sepúlveda e a Jean Giono (cun Papiros).

Custu “Cullera de taula. La cuina de casa mia” bi l’at imprentadu Edicions del Sol, semper pro s’Òmnium Cultural de L’Alguer. Su libru faghet parte de su progetu culturale “Valorizatzione de su catalanu de S’Alighera" co-finantziadu dae sa Fondazione di Sardegna.

M.P.